Ślonske beraniye wele wyndzoka ło bele czym :)

[Gość Anonymous]

witom, to co napisoł Pis67, toż joł terołz niewiam czy mom gołdać czy tyż mówić - "co nie"

 

Koszu; twoj tymat łodnis pieroński sukces, dopiyto 2 dziyń a łodwiedzin sam już mołsz 1800 razy wyświetlany, take pytaniy fto to łoglondoł ?

 

Hynio; skond żejś wyczas taki fajny wiersz? joł to wszystko rozumiam :grin:

[andy]

Ciekawe ino czy nasz honorowy gorol jod wodzionka

Jod! :grin:

Wstyd przyznać, ale nic mi się szykować nie chciało (trochę zarobiony jestem), a wodzionka: trzask, prask i najedzony

 

[ Dodano: Wto 13 Gru, 2011 00:22 ]

A jak tam u Was z zalewajką?

Dajcie jaki dobry przepis na ten żur, to i tego spróbuję.

[Koszu]

A jak tam u Was z zalewajką?

Pisoł żech pora postów wyżyj, że mi się nazwy pofandzolyły i tak na prowdy to szukołech przepisu na polywka poznańsko a niy na zalewajka ale na zalywajka tyż przydzie w moji kuchni czas.

 

Co do żuru to cało przigoda zaczyno się już we wtorek (jak chcymy tyn żur w sobota na łobiod wmocić). Bezdyskusyjnie cza naparchać zakwasu. Kupny zakwas to lekko godając nic innego jak profanacjo naszy świyntości.

 

No toż bierymy sie za zakwas. Na som poczontek, drałujymy na torg ewyntualnie do jakiś staroskow na góra po bonclok bo ino w buncloku właśnie nojprzedniejszy zakwas ułonaczyć mogymy.

 

Bonclok momy już w doma to terozki czas poszukać monki żurkowy kajsik w szklepie. Musi byc żytnio i rubo zmlyto.

 

Momy monka toż teraz cisnymy jeszcze roz do szklepu po czosnek (no chyba, że mocie w spiżarce).

 

Momy już boclok, monka, czosnek i zakłodom, że za woda zapłaciliście to i w kokotku woda tyż mocie.

 

Generalnie to już niby wszytsko co cza do ułonaczynio zakwasu na żur ale ino pozornie. Niy momy nojważniejszego zaklodając, że piyrwszy roz nasawiocie zakwas - niy momy zaczynu. Można go wyombinuwać na 2 sposoby. 1. Za pomocą skorki z razowego chleba (pod warunkym że w tym chlebie poza chymią cosik jeszcze jest) 2. Kupujymy w szklepie żurek w tytce abo w kubku - jakibądź. Jo polecom tyn drugi sposob bo jak wciepnymy skorka chleba a tyn chlyb niy bydzie za dobry to cały zakwać do gulika bydymy mogli wloć.

 

No toż momy: bonclok, monka żurkowo, czosnek, woda, i żurek ze szklepu (fuj).

 

Do boncloka wsypujymy monka i dolywomy wody tyla, żeby nom sie zrobiyła tako papka. Noy za gynsto i niy za wodnito. Do tego wciepujymy kilka zombkow czosnku uprzednio ponacinanych. Na som koniec wlywomy kapka zaczynu w postaci kupnego zakwasu żurkowego. Wysztko mjyszomy, bonclok przikrywomy gazą, żeby jakoś gadzina nom tam niy wlazła abo niy nawalyła, gumką recepturkom przyonaczujymy gaza do boncloka żeby jak bydzie przeciong ty geze nom niy zwioło i całoś łodstawiomy w cieple miejsce aż do soboty rana. Roz na dziń łyżkom muszymy to wszystko przemiyszać i bydzie grało.

 

Jak z tego naszego zakwasu ukulomy juz w sobota tyn nasz wymarzony żur to boncloka niy myjymy. Tyn zakwas co na ściankach łostoł bydzie zaczynym na prziszły tydziyń i już niy cza bydzie kupuwać żurku w sklepie.

 

Mni wiyncy proporcje som take:

 

bonclok - 1 sztuka

monka - 2 szkolnki

woda - ila cza bydzie zeby papka zrobić

czosnek - 5-6 zombkow

zaczyn - 3-4 łyżki

gaza - 1 sztuka

gumka recepturka - 1 sztuka

 

A jak z tego zawasu wyszteruwać żur to abo jo abo wtoś inny innym razym napisze

 

Aha zakwas bydzie sie tak fajnie blukoł i wonioł jak mmmmmmmm jak milion dolarow :)

 

Dobry nocy życza.

[EAnna]

zaczyn - 3-4 łyżki

jak mosz dobro kapusta kiszono to wlyj do boncloka ta woda z kapusty.

[jumbo]

mogesz jeszczy od znajomego piekorza , ale ino takigo co wiysz że mo chlyb bez chemie , wzionć trocha zaczynu i na nim ukiśić

[andy]

Durś ino wodzionka i wodzionka :devil: Żuru bych zjod :thumbsup:

[jumbo]

widza że nikt nie doł przepisu , to jo moga dać swój:

ja ni mosz zakiszonego w doma , to kup w sklepie w półlitrowym boncloczku abo flaszce ŻURek Śląski (nie biały) nalepi robiony na monce żytniyj , ale niemusowo.

do 3 litrowego garca wlyj półtoryj litra rosołu abo bulionu , jak ni mosz to 2 kostki rosołowe na półtoryj litra wody

terozki wlyj do garca kupiony żurek

jak scesz gynściejszy , to dodej łyżka monki żurkowyj (nalepij żytniyj)

wymiyszej dobrze i waż szystko , aż zawre

wyłoncz grzocie , i do wrawego wciś tela czosku wiela lubisz (3-6 zombówi)

Na patelnia wciep font pokrojonego w kostka boczku bez skóry i uskworz go na bronz , ale nie sól.

jak mosz za tuste to łodlyj z patelni do gorczka smalec , kiery wypiyk sie z boczku i wciep boczek do garca

dosmakuj pieprzym i magom , mogesz i solom

najlepi smakuje na drugi dziyń z pokrojonym na cztyry jajcym i śwyżo uwarzonymi kartoflami

 

pyrsk ludkowie

[andy]

jumbo, chopie! Widza, że łotruć łojca krzestnego (tego tematu) chcesz. Bardzo Ci dzinkuja :grin:

to kup w sklepie

2 kostki rosołowe

dosmakuj ... i magom

Jo jes gorol, ale nie kiep! Jak mom taki warzyć, to moga se w sklepie w tytce kupić łod winiarów :lol:

[jarkof]

Jo jes gorol, ale nie kiep! Jak mom taki warzyć, to moga se w sklepie w tytce kupić łod winiarów :lol:

A jo jest za tym hoć ze śląska

ale HEJ

[jumbo]

andy jerona kandego !, pisza jak ni mosz a ci sie rychli to kup , tak samo skuli rosoła jak ci sie rychli , jak mosz szicko na placu to tyż mosz nopisane co robić, a magować niy musisz , chociosz u nas to ważno prziprawa.

Jakby krzestnymu mioło zaszkodzić , to mom łodtrutka. :thumbsup:

piszesz cobyś żuru na gibko zjod , to mosz wesja gibko, abo jużeś zakisił - pochwol sie

pyrsk

 

a w tytce z winiarów to moja oma szupy z jajec suszy :grin:

[Koszu]

Witom Wos wszyskich cieplutko.

 

Pora dni mie sam niy było, bo cza było przy miynsie porobić coby na świyta nałonaczyć swiyżych wyndzonkow. Z 40 kilo zapekluwane, francki simnym dymym cało noc się bydom wyndzić toż trocha czasu sie znolozlo, żeby w końcu ło tym żurze naszym kochanym napisać

 

W kożdym domu, jak ślonsk dugi i szyroki robi sie żur cołkym inaczyj według rodzinnych tradycyji jak staroski nos uczyli. Jedna wspólno cecha tych wszyskich żurow ślonskich to dziyń w kerym sie go warzy - sobota!!!! Mojym skromnym zdaniym żur robiony właśnie w sobota smakuje nojlepi (i to niy ino w sobota)

 

Wcześni pisołech jak zrobić zakwas. W sumie można go niy robić ino tak jak kolega JUMBO pisoł iść do szklepu i kupic we flaszce aby tytce ale hmmm..... jo wola nawet tego niy próbować Ale łoczywiście kożdy robi wedle sia.

 

Momy zakwas. Poza zakwasym muszymy przigotuwać - żeberka wyndzone (jasno sprawa, że własny produkcyji), boczek wyndzony, czosnek, pieczarki, wuszt (własny produkcji), pieprz, sol, ziele anggelske i bobkowe liście.

 

Bierymy srogi garniec, lejymy woda i wkłodomy żeberka, bobkowe liście i angelske ziele i czosnek. Warzymy na lekkym łogniu z godzina - dwie. Zoleży wiela czasu momy i tymu cudowi kulinarnymu chcymy poświyncić

 

Na patelnia w tym czasie jak wywar zeberkowy nom się łonaczy, wciepujymy i przysmażomy pieczarki, potym łosobno przismażomy wuszt pokrojony w kostka i łosonbo w kostka pokrojony boczek. Jak już wywar z żeberek nom sie zrobiył wlywomy do niego nasz zakwas i zagotowujymy to. Potym dociepujymy przysmażony wuszt (razym z wytopionym tuszczym) i przysmażone pieczarki.

 

To wszytsko co momy w gorcku mo byc gynste już w ty chwili. Przemiyszomy, doprawiymy solom i pieprzym. Może sie na chwila zaważyć. Jak pora razy nom to bulknie wszysko a smak bydzie taki jak chcymy to znaczy że żur momy gotowy.

 

Na talyrzu obok dali momy przypieczony boczek. Jeszcze kartofle. Warzymy normalnie i sztamfujymy, Mogymy do nich dodać trocha łomasty (tuste) i przysmażonyj cebuli.

 

Przipominom, że jest sobota wele połednia.

 

Na talyrze nakłodomy łyżkom kartofli (tak z jedna-dwie łyżki). Kelniom nalywomy naszego gynstego żuru i wciepujymy na wiyrch przypieczonego wcześni boczku i pokrojonego wcześni miynsa z żeberek na kerych my tyn żur warzyli.

 

No i życza smacznego

 

Oczywiście tego żuru zrobiyli my wiyncy wiyc spokojnie do środy nom styknie. Co dziyń tyż żur bydzie lepszy - gwarantuja.

 

Jasno sprawa, że to niy jest nojlepszy przepisa na żur. Jo tak robia, moja omka tak robiyli i moje dzieci (mom nadzieja) tak robić bydom, ale jak żech pisoł wczesni kożdy mo swoj, najlepszy na świecie przypis na żur

 

Pozdrowiom wszystkich cieplutko.

[myth]

A u mnie w domu w standarcie barszcz z uszkami na Wigilię Bożego Narodzenia , aczkolwiek miałem kiedyś sąsiadów w Polsce, którzy to jedli fasolówkę :???: :shock:

Nie wiem z jakiego regionu Polski pochodzą....

[jumbo]

koszu , godosz o pieczarkach , piyrwszy słysza.Nie wadzi sie to smakiym?Spotkołech sie z suszonymi grzibami , co były warzone w zupie przed dodaniym zakwasu ale to niy słyszołech.

 

[ Dodano: Czw 15 Gru, 2011 22:30 ]

myth , a u nas roztomańcie , roz barszcz , roz postno fandzolówka o kierej piszesz , roz zupa rybno - warzysz jak rosół , ino zamiast rosołowego wciepujesz krziże i łepy z ryb - :tongue:

[Koszu]

JUMBO cza sprobuwać i łocynić. Nom wszyskim smakuje i te smak tych pieczarkow żodnymu niy wadzi. Ale jak sie to godo:

JEDNI LUBIOM POMARAŃCZE INNI JAK IM NOGI ŚMIERDZOM :)

 

Powiym ino tyla, że jak my niy momy tych pieczarkow w żurze to nom czegos brakuje. Ich twam wciepujymy niywiela. Na srogi graniec możno z 10, niy wiyncy ale muszom tam być

[PePe]

Suszone grzyby w żurze ,to słynna - zalewajka :grin:

[Gość Anonymous]

witom, moja mamulka kedyjś ważoła take liche łobiody, ale jak joł mom take liche sie najejś a potym mom sie narobić fest! to sie panczkrałt i kotlet sie należy. wiync u mie niy ma.

ps. kedyjś żur boł umie ze konckym wosztu i łobloby spyrkoma wandzonymi ze boczku. ale jak żejś pisoł koszu, kojżdy waży jak mu smakuje.

[jumbo]

to już terozki wiymy co je dobre a co niy skuli żuru , tyż mie uchol pouczył , ale wola pomarańcze

koszu someś pisoł coby na startowe mieć sklepowy , a EAnna i jo godali o inszym zakwoszaniu , wiync niy czepioj sie cożech pedzioł ża kupny na gibko skuli andego , co chcioł już

wiyncy wersji mo hekele , może komuś sie spomni stary przepis?

[Koszu]

Jumbo mosz racjo. Łod Wos rzech sie dopiyro dowiedzioł skond indzi można wzionć zakwas. Z tym że tyk richtiś to tez poła łyżkow kupnego zaczynu niy mo wogóle wpływu na samk samego naszego, swojskiego zakwasu. Niy mni oczywiście mocie Z Eannom recht.

[myth]

jumbo, u nas poza barszczem czerwonym też rybna zupka jest, jak ojciec karpia "po żydowsku" robi.... wtedy dorabia farszu i z pulpetami rybnymi w dzień wigilijny, ale nie ten wieczorem, tylko w południe zjadamy

[Koszu]

wiync niy czeoiyj sie cożech pedzioł ża kupny na gibko.

 

JOMBO absolutnie niy mom zamiaru sie czepiać W życiu żyjoncym. Powtorzom. Kożdy robi wedle swojego smaku i kożdy żur jest nojlepszy na świecie. Wyżyj tyż to jest napisane.

 

[ Dodano: Czw 15 Gru, 2011 22:59 ]

wiyncy wersji mo hekele , może komuś sie spomni stary przepis?

Co to je hekele? Piyrsze słysza.

[jumbo]

Koszu spytej starki , u mnie to som 2 zorty z e słonygo ślędzia , abo z wyndzonej ryby , tako smarówka na chlyb na zimno .

Z tego kaj mi mógżech kosztować , to każdy inakszy to robi

u mie:

wyndzono ryba - font - łobrać

jajca 5 - 8 sztuk - oklupać

masło - pół kostki - abo cało

cołki zeleć razym z masłem na 2 ,wciepnonć pieprz , dosolić ,POMAGOWAĆ (andy nie czepiaj się) . jak komu pasi to tyż idzie dociepnoć deczko musztardy.

wyrobić, i już za 2-3 godz mogecie chlyb smarować .

 

a skulli tego drugigo , ze słonym śledziym , to musza sie spytać

[andy]

jumbo, ale do tej odtrutki to nie trza się wcześniej zatruć? :lol: To dawaj, potraktujemy jak szczepionkę :lol:

Koszu, Ty to jesteś literat! Czyta się Ciebie z wielką przyjemnością :grin: Dzięki za przepis na żur. Jutro na obiad będzie na bank. Zakwas mam zrobiony według tego przepisu: https://wedlinydomowe.pl/forum/viewtopic.php?p=209397#209397, gnat się jakiś znajdzie i git :grin:

Przepis Twój, jak wspomniał PePe, jest bardzo podobny do zalewajki. Podobnie, tylko kartofle gotuje się w tej zalewajce. Jak Wam żur smakuje, to i zalewajka też będzie.

[jumbo]

koszu , tukej mosz drugi przepis na hekele , tyn ze słonym śledziym

wymoczony i łobrany z krziża i bebechów słony slydź

2-3 kiszone łogórki

łobrano cebula

2-3 uwarzone i łobrane jajca

ćwierć fonta (moge być wincy) uwarzonego tustego boczku abo szpyrki (NIY WYNDZONE!)

cołki to zemleć , wymiyszać doprawić solom i pieprzym dać tymu godzinka , coby sie przegryzło i idzie mazać na chlyb

uważyj przi mielyniu cebuli , czasym poradzi skuli mielynio podyńść goszczelinom , wiync abo miel jako piyrwszo i posmakuj , abo posiekyj drobniuśko nożym.

 

andy , wykrakołeś ta szczepionka wczory

 

pyrsk ludkowie

 

mom pytanie do Poznanioków , słyszołech o waszyj zupie na wyndzonych kościach co sie nazywo " ślepe ryby" , chciołbych to uwarzić , ale niy mom przepisu.

[Koszu]

Jumbo dziynkuja bardzo.

 

Jak czytom ta receptura to mi przipomniało, że cosik takego robili moja omka ale niz wiedyioech, że tak sie to nazywo.

 

Moga do tego dać zwykłe matyjasy? Som już wyłonaczone z osci i bebechow.

 

Pozdrowiom ciepło

[jumbo]

niy mogesz . mo cołkim inkszy smak .musi być solony.a łościom to maszinka poradz.i na 2 jo nowet i krziż zmiela.

a skuli matiasów to moja tanta robi one w pokronżanych kiszonych łogórkach i cybuli , zalote wodom z łoctym i dociepnyte ziele i listek , po tydniu dobry

a nojlepszy jest to że wszystkie wyżyrajom zielone a ryby ino cosik

 

 

jak kieryś poczyto co już wyłonaczone to ....zaś po 22