Ślonske beraniye wele wyndzoka ło bele czym :)

[Koszu]

Bardzo szykowno ta betlyjka. dej sam nom zdjyncie jak już zakwaterujesz tam cołko świynto familijo.

 

Dzisioj moja Anuśka mo wolne toż momy najwyższy czas, żeby kupić w końcu jakoś choina. Kurczy sie nom tyn czas przed świyntami a roboty niy ubywo. I dziś i jutro jo jeszcze wyndza toż kuchni przigotowuwac na świynta niy ma synsu bo przy parzyniu i tak wszysko zaciaprom.

 

Jo sie tak zastanowiom czy keryś z Wos mo na wilijo siminiotka abo tak jak godają moji teście z Rybnika konopiotka? Tak pyszny i tak gorzki zupy to chyba na calym świecie niy ma. Problym ino w tym, że przy ty zupie, żeby była dobra cza z 6 godzin spyndzić non stop robiąc. Niy kożdymu się już chce a i mało komu ta zupa smakuje. Piyrwy to na kożdym stole wigilijnym siminiotka być musiała. Boroczki bajtle. kerym niy smakuwała ani trocha tyż musieli skosztuwać bo jak niy to wiadomo było, że Dzieciontko zamiast gyszynków przyniesie łoskrobiny z kartofli abo tytka wonglo

Pamiyntom, że może kej rzech mioł z 5 lot to najduch zy mnie był pieroński. Wszyndzie mje boło i zawrzdy cosik rzech naszkodziył. Omka mie uprzedzali, że Dziecionto paczi i bynojmni sie niy raduje z mojego zachuwanio. W wilijo rzech sie przekonoł co richtis niy było zadowolone ze mie i jak moje kuzyny podostowały bombony tak jo właśnie tytka wonglo rzech dostoł. Coś się nabeczoł to moje Potym, jak rzech solowo z 10 kolyndow zaspiywoł Dzieciontkowi się chyba mie zrobiło żol i omka pedzieli co bych poszukoł w drugi izbie, możno tak cosik mi łostwaiyło za tyn moj żal za grzychy I niy uwierzicie - za wersalkom boła i paczko dlo mnie

 

W nastympnym roku tak wele Wszyskich Świyntych już rzech sie za porpawa broł co bych zaś tych kolyndów śpiewać przi wszyskich niy musioł

 

Piykne czasy byli ..oj piykne ...

[Gość Anonymous]

No i zrobioł żech:

 

 

(postacie są z szopki starej)

[EAnna]

jo właśnie tytka wonglo rzech dostoł.

Koszu,

piękna, wigilijna opowieść.

Jo tyż kiedyś zafasowała łoszkrobiny łod Dzieciątka :blush:

[GuRu]

Koszu, co to jest "szrank" ? :-)

[tim]

co to jest "szrank" ?

szafa

[miro]

Nie wiem czemu ale strasznie mi się to Wasze śląskie beblanie podoba.

Czytam, chyba coś z tego rozumiem i piszcie dalej.

[jumbo]

bo wiysz miro , beblani to jest godani trocha z drogi , choby deczko łożarty ,a tak to normalni to godomy , podobni co Wy górole niskopiynni :grin:

tukej mosz podstawa coby z hanysami pogodać

http://www.fazi.strefa.pl/SLOWNIKSLASKI.html#K

 

pyrsk ludkowie

[andy]

strasznie mi się to Wasze śląskie beblanie podoba

Bo fajne jest i tyle

 

Jeszcze się wtrącę: temat jest chyba po to, żeby po śląsku o Śląsku. (Tu wielki ukłon w stronę Kolegi Koszu )

Wadzić sie nie trza! Jak już mus, to z jajym, ludkowie a nie z nerwem!

 

[ Dodano: Sro 21 Gru, 2011 21:43 ]

O! jumbo, czegoś takiego szukałem - dzięki za link

[Gość Anonymous]

witom, miro; no fakt je, że my godomy (przez o), zajś u miy gołdomy przez ł ), taka samo je: galoty i galołty (łobejż na litery) i inksze trocha akcyntowaniy. a beblomy to już we gospodzie po 4ym. ale joł widzam żejś ty ze Bielska, tam przeca podobnie gołdajom, boł zech tam u Łysońia we Sułkowicach i we Kyntach. aaaa widzisz, tera mi sie spomniało, za łoscypiorkom żech dzwonioł do Nowego Targu, i żach normalnie gołdoł, i ze tamtąd, hmmm góral (dosłownie znaczenie tego słowa), blank tak samo gołdoł. wiync to nie je ino take że tukej pisaniy we 5 chopa i Eanna. a zajś tukej kaj joł miyszkom, to wszyjscy tak do łokoła, ale to ino miyndzy sobom, bo kaj zańdziesz to ni jak niey wypodo. aaa widzisz, ło szkole i ło pałach do dziynnika za te gołdany pisoł żech. u nołs je gynał tak jak to kabaret rak bawi w koło. Hanke czy filmowy Bercik, trza tyż wiedzieć że to co łoni gołdajom to som wice, pierdoły, jak przi piwie. żebyjście nie myjśleli że co ślązok, co gwarą gołdo, to nic niy umiy zrobić, nic mu niy wyńdzie, że to ofiara losu i jeno umiy na grubie wongel fedrować, abo pić do upadłego we szynku np. u Alojza :grin:

 

pozdrawiom tych, co sam chcom być

[miro]

Bartnik nie umie po waszemu pisać, ale jak czytałem co napisałeś to mało mi się mózg nie połamał żeby zrozumieć.

Chyba się moje młodzieńcze lata oddzywają, bo jeździłem po śląsku jako sprzedawca, co prawda w innej branży, ale zawsze mnie wasza gwara ciekawiła.

 

A tak z ciekawości, czy tak samo się pisze po śląsku jak godo ?

[Koszu]

Miro właśnie staromy sie pisać żeby boło jak najbliżyj naszy godki. Ale dej pozor, że kożdy z nos mo ciut inno ta gwara. Bywo, ze somsiednie miejscowości maja jakeś drobne róznice w godce. Niy myni to wszysko jest naszom gwarom.

[jumbo]

koszu , kuk mal?

[Henio]

Śląskie kolędy

 

„Posuchejcie pastyrze” - (na melodię: „Anioł pasterzom mówił”)

Posuchejcie pastyrze,

Łostowcie już swe lyże.

I drapko, stowejcie, się szykujcie

I szczewiki łobujcie,

Za gwiozdką wyndrujcie !

 

To pastyrze zrobiyli,

Co anieli pedzieli.

I roz, dwa, przy betlyjce już stoją,

Ale sie włazić boją

I we dźwiyrza klupią !

 

Szczynść Boże ci Ponboczku,

Narodzony w żłobeczku,

A my się tego niy spodziywali,

Co my tu oglądali,

My pasterze biydni !

 

„Dzisioj w betlyjce” - (na melodię : „Dzisiaj w Betlejem”)

Dzisioj w betlyjce, tam pod Betlejym cuda są i dziwy,

Bo prosto z nieba, aby świat zbawić Gość wielgi tam przibył.

Ponboczek w stajni, idź Go przygarnij,

Ci co tak chcieli, tam przibieżeli,

A my zaśpiwomy, piyknie porzykomy

I mu coś fajnego domy !

 

Panna Maryjka, piastuje w rynkach Ponboczka małego

I tak se myśli, niych mu się prziśni coś fest pobożnego.

Ponboczek w stajni...

 

Prziszli pastyrze,

łotwarli dźwiyrze, zagrali na lirze,

czamu na sianie, leżysz nasz Panie,

kaj zogowek z piyrzem ?

Ponboczek w stajni...

 

„Piykno Paniynka” - (na melodię : „Gdy śliczna Panna”

Piykno Paniynka synka piastowała,

Jak fest mu pszoła, tak piyknie śpiywała:

Lili, lililaj mój mały syneczku,

Uśnij drapko już, na tym zogoweczku.

 

Zawrzij już łoczka, śpij i mie usuchnij,

Bo jo mom tela do zrobiynio w kuchni:

Lili, lililaj...

 

Woł i osiołek, twe graczki pluszowe,

Niych ci się prziśnią jak sny kolorowe.

Lili, lililaj...

 

Czy coś cie boli, pieluchy mosz zlone ?

Abo mosz w brzuszku coś nałonaczone ?

Lili,lililaj...

 

 

Na dzisiaj szlus :wink:

[Koszu]

Jumbo niy ma co godać....

 

[ Dodano: Sro 21 Gru, 2011 22:55 ]

Śląskie kolędy

 

:clap: heniu

[jumbo]

żodyn aniy dycho , trzaby cosik szrajbnonć

miro , bartnik umie po śląsku , ale to śląsk opolski , tak że nie neguj jego , bo czasem sam kombinuję przez to dodane "ł"

skoro nik piyrszy , no to jo skuli Świont Bożygo Narodzynio chciołbych wom wszytkim forumowiczom winszować , coby szczynsci i zdrowie wom pasiło , geldu stykło , a szicki problymy z nowym rokim poszłi weg.

 

pyrsk ludkowie

[jumbo]

taki śniadoniówki z mojygo wyndzoka

[Henio]

i wodzionka.

:wink:

Piontek - wyjontek

 

Jedyn przaje fest sobocie,

zaglondo do kalyndorza,

bo je wtedy po robocie,

toż zas by sie w szynku ożar .

 

Inkszy czeko na niedziela,

na zolyty przidzie czas,

na muzyka weźnie frela,

czy na szpacyr, kajś bez las.

 

Zy mie taki je wyjontek,

cołki tydziyń struty łaża,

czekom, aż zaś bydzie piontek

i wodzionka se uwarza.

 

Jak je kery po imprezie,

toż narzyko na pyndziałki,

ledwa rano z łożka zlezie,

robic musi tydziyń całki.

 

Keryś czeko zaś na strzody,

bo mo do sia pora chwil,

baba wyśle kajś na lody

i oglondo fuzbal- szpil.

 

Jo nie myśla o weekyndzie,

jo sie dycko fest raduja,

jak zaś tydziyń cołki przyndzie

i wodzionki smak poczuja.

[szymon70]

http://kabaret.tworzymyhistorie.pl/9676_kabaret_mlodych_panow_kopalnia_(bezczelnie_mlodzi).php

[Olek.P]

Hallo!!!!

 

 

Fszyskim slonzoczkom i slonzokom zycza szczynsliwego Nowego 2012 Roku.

 

Musza sie zbiyrac pomalu, bo idymy ze starom o osmyj na muzyka.

Bydzie grol moj kompel,jak dycko napewno bydzie fajnie.

[jumbo]

wszelki życzynio wszyskigo dobrego , zdrowio , szczynścio , i powodzynio skuli Nowego Roku życza wszytkim , kierzy niy negujom noszyj godki i radujom sie pozytywni z tego co nom sie udo tukej szrajbnonć (grusy dlo marka301->niestykociesynku)

[andy]

Witejcie ludkowie!

Nic nie szrajbujecie Chyba trocha wstyd coby Wasz temat gorol pociskoł abo łodgrzewoł

[Koszu]

HAhahaha Andy mosz recht, trocha mi teroski gańba... Przejynty czas co by zas napoczonć tekej cosik po naszymu beblać

 

Piyrwy toż musza pedzieć, co w Borniaku łod 2 godzin mom 10 kawałkow boczku i cosik mi sie kolor niy widzi. Wydowo mi sie, że zawilgotniało peklosól właśnie umarła i juz niy wybarwio miynsa. Ale to nic. Cza kupić nowo ino jom potym w lepszych warunkach czimać, co by zas się nei złonaczyła :/

 

Pozdrowiom ciepło.

[miro]

Cza kupić nowo ino jom potym w lepszych warunkach czimać, co by zas się nei złonaczyła :/

Nie umie po Waszemu to zapytam po mojemu: czy peklosól była żółta ?

[Koszu]

Niy Miro. Peklosól jest idealnie bioło ino że tak jak wczesni rzech kaj pisoł kupuja zawsze 20 kg miechy i na rok to mom. Czimia to w takim moji izbie co nazywomy jom imprezowniom. Tam mom wyndzarnia, wdzusyko co do wyndzynio cza no m.in ta peklo. Oczywiście mi zawilgła bo lod ponad pół roku jom tam czimia ale do tyj pory bylo wszystko ok.

 

Ale wiysz co, teraz tak myśla, że to nie przez ta peklo tyn kolor mom ino przez zrymbki bukowe coch ich chyba dzisioł doł wiyncy niż olchowych. Jutro byda wyndziyl szinki z tyj samyj solanki toż łobejrza czy jak dom same olchowe zrymbki to kolor byda mioł czerwony. Dzisiej te boczki mi wyszły take zółto bronzowe. Tyż fajne ale mie osobiście podobo sie jak wyndzonki som czerwone.

[EAnna]

Jo też myśla, że to zrymbki.