jumbo

koszu niy godej , hajer na barborka czimie sie prosto , ale już późni to roztomańcie - i zawzsze kamraty dowiozom

haluśko to je pszocie a niy pszenie , a mi jest gańba pisać , co atrysta chcioł bez to pedzieć

boroczki..... :lol: i za to im pszajymy

niy mogesz . mo cołkim inkszy smak .musi być solony.a łościom to maszinka poradz.i na 2 jo nowet i krziż zmiela. a skuli matiasów to moja tanta robi one w pokronżanych kiszonych łogórkach i cybuli , zalote wodom z łoctym i dociepnyte ziele i listek , po tydniu dobry a nojlepszy jest to że wszystkie wyżyrajom zielone a ryby ino cosik jak kieryś poczyto co już wyłonaczone to ....zaś po 22

koszu , tukej mosz drugi przepis na hekele , tyn ze słonym śledziym wymoczony i łobrany z krziża i bebechów słony slydź 2-3 kiszone łogórki łobrano cebula 2-3 uwarzone i łobrane jajca ćwierć fonta (moge być wincy) uwarzonego tustego boczku abo szpyrki (NIY WYNDZONE!) cołki to zemleć , wymiyszać doprawić solom i pieprzym dać tymu godzinka , coby sie przegryzło i idzie mazać na chlyb uważyj przi mielyniu cebuli , czasym poradzi skuli mielynio podyńść goszczelinom , wiync abo miel jako piyrwszo i posmakuj , abo posiekyj drobniuśko nożym. andy , wykrakołeś ta szczepionka wczory pyrsk ludkowie mom pytanie do Poznanioków , słyszołech o waszyj zupie na wyndzonych kościach co sie nazywo " ślepe ryby" , chciołbych to uwarzić , ale niy mom przepisu.

Koszu spytej starki , u mnie to som 2 zorty z e słonygo ślędzia , abo z wyndzonej ryby , tako smarówka na chlyb na zimno . Z tego kaj mi mógżech kosztować , to każdy inakszy to robi u mie: wyndzono ryba - font - łobrać jajca 5 - 8 sztuk - oklupać masło - pół kostki - abo cało cołki zeleć razym z masłem na 2 ,wciepnonć pieprz , dosolić ,POMAGOWAĆ (andy nie czepiaj się) . jak komu pasi to tyż idzie dociepnoć deczko musztardy. wyrobić, i już za 2-3 godz mogecie chlyb smarować . a skulli tego drugigo , ze słonym śledziym , to musza sie spytać

to już terozki wiymy co je dobre a co niy skuli żuru , tyż mie uchol pouczył , ale wola pomarańcze koszu someś pisoł coby na startowe mieć sklepowy , a EAnna i jo godali o inszym zakwoszaniu , wiync niy czepioj sie cożech pedzioł ża kupny na gibko skuli andego , co chcioł już wiyncy wersji mo hekele , może komuś sie spomni stary przepis?

koszu , godosz o pieczarkach , piyrwszy słysza.Nie wadzi sie to smakiym?Spotkołech sie z suszonymi grzibami , co były warzone w zupie przed dodaniym zakwasu ale to niy słyszołech. [ Dodano: Czw 15 Gru, 2011 22:30 ] myth , a u nas roztomańcie , roz barszcz , roz postno fandzolówka o kierej piszesz , roz zupa rybno - warzysz jak rosół , ino zamiast rosołowego wciepujesz krziże i łepy z ryb - :tongue:

andy jerona kandego !, pisza jak ni mosz a ci sie rychli to kup , tak samo skuli rosoła jak ci sie rychli , jak mosz szicko na placu to tyż mosz nopisane co robić, a magować niy musisz , chociosz u nas to ważno prziprawa. Jakby krzestnymu mioło zaszkodzić , to mom łodtrutka. :thumbsup: piszesz cobyś żuru na gibko zjod , to mosz wesja gibko, abo jużeś zakisił - pochwol sie pyrsk a w tytce z winiarów to moja oma szupy z jajec suszy :grin:

widza że nikt nie doł przepisu , to jo moga dać swój: ja ni mosz zakiszonego w doma , to kup w sklepie w półlitrowym boncloczku abo flaszce ŻURek Śląski (nie biały) nalepi robiony na monce żytniyj , ale niemusowo. do 3 litrowego garca wlyj półtoryj litra rosołu abo bulionu , jak ni mosz to 2 kostki rosołowe na półtoryj litra wody terozki wlyj do garca kupiony żurek jak scesz gynściejszy , to dodej łyżka monki żurkowyj (nalepij żytniyj) wymiyszej dobrze i waż szystko , aż zawre wyłoncz grzocie , i do wrawego wciś tela czosku wiela lubisz (3-6 zombówi) Na patelnia wciep font pokrojonego w kostka boczku bez skóry i uskworz go na bronz , ale nie sól. jak mosz za tuste to łodlyj z patelni do gorczka smalec , kiery wypiyk sie z boczku i wciep boczek do garca dosmakuj pieprzym i magom , mogesz i solom najlepi smakuje na drugi dziyń z pokrojonym na cztyry jajcym i śwyżo uwarzonymi kartoflami pyrsk ludkowie

mogesz jeszczy od znajomego piekorza , ale ino takigo co wiysz że mo chlyb bez chemie , wzionć trocha zaczynu i na nim ukiśić

Miołech roz taki fal: Kiedyś po szychcie na drugowo miołech smak na sznapsa , aże przi chałpie jest geszeft z gorzołkom łotwarty do dwanostej to żech se kupiył małpka i soczek pólitrowy we flaszce. Wypiyłech poła soczku i wlołech tam małpka , coby nie podpaść , jak byda szoł do dom. Jakech wylazowoł , to wpod żech na dwóch moich kamratów , kierzy byli już na dobrym szwongu i prziszli jeszcze po piwo na dobitka. Stojymy przi sklepie i klachomy o bele czym , każdy cycko swoja flaszka , a tukej wroz podjyżdżojom policmajstry i godajom - Panie Tomku razem z kolegą po raz trzeci dzisiaj zwracamy wam uwagę na picie piwa w miejscu publicznym , a ponieważ panowie się do tego nie zastosowali , więc pojadą panowie z nami - Sfinyli synków do środka , wyloli ich piwa , a jo stoja jak rzić , nic nie godom , a łoni nic do mnie , i ruszajom. To jo sie łodzywom - Panowie , a jo to co ? A łoni godajom - Pan pije soczek.

HALUSIO bo my tukej bawiymy sie naszom godkom , coby insi poznali i jom łocyniyli. Radujymy sie , że Ty sie radujesz tym , a i insi tyż

zaiste , kabaretowo się zrobiło... EAnna i Małgoś , wy to mocie recht , bo to Hyde Park , kaj kożdy mo prawo godać , jako mu stowo.. Może krziwda jakoś od nos hanysów sie przitrafiyła... Niech szanowni Moderatorzy ocenią i pozwolą pisać albo wydelejtują całość , aby nikogo nie drażnić.... Niemniej jednak w temacie frankfuterek bardzo szanowny forumowicz zaproponował otworzenie takiej strony , co też się stało ku obopólnej radości , a DZIADEK zaproponował dodawanie tłumaczenia , aby nie robić zamieszania. Boli to , ale PIS-ie67 , co nas nie zabije , to nas wzmocni... :clap: pyrsk ludkowie [ Dodano: Pon 12 Gru, 2011 22:22 ] EAnna dyć ty o onaczyniu godosz :blush: :grin:

cołko niechciano owadzio gowiedź przi okazji wyzdycho :idea: [ Dodano: Nie 11 Gru, 2011 22:58 ] skuli smrodu to spomniołech se taki wic. Chop prziszoł ożarty z baru do dom i przikludził ze sobom koza , kiero wygroł w karty. Baba na niego z rykiym: kaj ty pierunie nom koza potrzebno , kaj łona bydzie mieszkać. Na to chop godo : w sypialce Ta ryczy: w sypialce? a tyn smród? Łon odpowiado: bydzie sie boroka musiała przizwyczaić....

koszu , jest knif na to : łona tyż se musi pojeść brułzupy

arkawroc i zbój , czyście nie myśleli przipoadkiym o onaczeniu....? :blush:

heh , HALUSIA , pukna to je po gorolsku " pęknę" :grin: hanysy zaczynają kocyndrować :lol:

Andy prezesie , a jaki tuste dowosz , bo moja starka dowali łój z woła , jo yno masło i wiela wlezie czosku jak jo se pojym , to godom że zaro pukna

piyknie koszu eś tyn temat wciepoł na forum , a z tom zalewajkom to Darino mosz recht , bo momy rychtyg prefyryncje na czorny kiszony żur i brułzupa -to po gorolsku wodzionka . Tukej mocie przepis - http://www.youtube.com/watch?v=7hzC21TDjw8 pyrsk ludkowie

.Obecnie dałem do malowania proszkowego stelaż nadziewarki - cytat jeśli nie MUSISZ to w żaden sposób nie maluj - kiedyś się zacznie kruszyć i TY to zjesz Dzisiaj zmierzyłem średnicę wewnętrzną cylindra przy samym wylocie. Odkształcenie wynosi zaledwie 0,4 mm!!! - cytat zaledwie to 3 - 5 kartek papieru , przy dobrym ciśnieniu to przy wydziewaniu na kiełbasę fi 33 1 kg ,tzw umyk wynosi ok 100 g - wg mojej maszynki fi 200 , rura idealna , toczona , tłok z ROBALONU ,poza tym gumowa uszczelka

Papcio, ,jak piszesz mój znajomy ,może znasz firma STARZYK z Rydułtów , wędzi właśnie na wklęsłych trójkątach , ale ta minimalna powierzchnia styku i tak nie robi różnicy w smaku ,przecież to tylko mniej niż 1 cm2 na kiełbaskę [ Dodano: Czw 08 Wrz, 2011 23:12 ] no i znów jestem stołem... :grin:

krfistofero luzik, zakisz kaputskę na koniec października teraz to tylko experymenty alehar ma rację

Batiar, kolega malinabend jest expertem od w/w naczyń,może on poradzi? po smalcu ja bym wyparzył i po wyschnięciu potraktował spirytusem (do pełna) :lol: a najlepiej nie dopuszczać aby naczynie stało puste i się marnowało bezczynnie :grin:

najlepsze są nierdzewne miski i kotły made in india, różne kształty i pojemności,wykonane z cienkiej blachy,więc lekkie i nie ma obaw że pękną ,stłuką się czy odbije się emalię.Ale prawdziwy smak kiszonego to tylko z kamionki - obojętnie mleka , ogórków czy kapusty - może w związku z tymi mikroporami o których ktoś wspomniał